Vai a sottomenu e altri contenuti

Glossàriu de sas festas de Nadale

Glossàriu de sas festas de Nadale

Glossàriu de sas festas de Nadale

Dicembre

S'ùrtimu mese de s'annu, in sardu est Nadale, su mese de Nadale o, in Campidanu e in su meridione de sa Sardigna, mese de idas.

Natale

Pasca de Nadale, Paschighedda e fintzas Pasca, custos sunt sos nùmenes in sardu de su 25 de s'ùrtimu mese de s'annu, sa die chi s'afestat sa nàschida de Gesùs Cristu.

Pasca Manna est sa festa chi ferit in beranu, sa chi tzèlebrat sa resurretzione de Gesùs Cristu.

Messa di mezzanotte

Sa missa chi si tzèlebrat, a de note, sa vigìlia de Paschighedda (a primu fiat a mesunote) est sa Missa de puddu.

Su sardu dd'at leadu dae s'ispagnolu ''misa de gallo'' o ''misa del gallo'' o dae su catalanu ''missa del gall''. Comente ispiegat Diegu Corraine: ''Diat pàrrere chi siat istadu su paba Sistu III, in su sèc. V p.C., a cumintzare a tzelebrare una missa a mesunote de Nadale, a pustis de su ''càntigu de su puddu'', ca sos romanos antigos cramaiant su ''càntigu de su puddu'' su cumintzu de sa die, a mesunote. Una chirca fata dae scientziados at istabilidu chi sos puddos cantant unas duas oras in antis de s'arbèschida. Duncas si tratat de un'ora non pretzisa''.

Presepe

Naschimentu, leadu dae s'ispagnolu Nacimiento (nàschida), est sa rapresentatzione de sa nàschida de Gesùs Cristu.

Santo Stefano

Su 26 de Nadale, in italianu ddi naramus Santo Stefano, in sardu est sa die in fatu de Paschighedda.

San Silvestro

S'italianu San Silvestro est s'ùrtima die, o s'ùrtima note, de s'annu.

Sa prima die de s'annu

Su chi in italianu si narat Capodanno,in sardu si narat Sa prima die de s'annu.

Cabudanni - caput anni, incomintzu de s'annu - in sardu est su de noe meses de s'annu (settembre), cando sos pastores e sos massajos torraiant a incomintzare sos traballos pro tènnere torra frutu s'annu in fatu. E fiat in cabudanni chi si faghiant sos cuntratos agràrios.

Suchena

Dae su latinu ‘subcena', sa suchena est unu pastu chi si faghet a pustis de sa chena e cun màndigos lichitosos. Sa suchena si faghiat a pustis de sa Missa de puddu o s'ùrtima note de s'annu, ispetende s'arribu de s'annu nou.

Epifania

In sardu est sa Pasca de sos tres res, sa festa de sos res chi, si contat in s'Evangèliu, sunt andados a Betleme pro bìere a Gesùs cando est nàschidu.

Barrallicu

Est unu giogu chi si faghiat meda in sas notes e dies de festa de Nadale; un'ispètzie de bardùfula pitica de linna, ma a forma de dadu, chi in ogni ‘cara' tenet iscrita una lìtera: P chi cheret nàrrere ‘pone'; M, metade; T, totu e N pro ‘nudda'.

Pro giogare ogni giogadore faghet furriare su barrallicu e sa lìtera chi si leghet cara a susu cando si firmat, e nche calat, indicat cantu - de sa nughe e nuntzola, chi ant postu in mesu comente prèmiu, su giogadore depet leare: Si essit sa T, su giogadore si nche leat totu e ognunu depet pònnere àtera nughe o nuntzola; si essit P cussu giogadore depet pònnere un'àtera nughe o nuntzola; si essit nudda, non leat nudda; si essit M, nde leat sa metade de su chi ddu est in mesu.

Bona Pasca de Nadale a totus e pro s'Annu Nou: a dd'acabbare bene e a dd'incomintzare mègius !

A chi rivolgersi

A chi rivolgersi - Referente
Ufficio/Organo: Area Affari Generali
Referente: marinella marras
Indirizzo: Piazza Matteotti
Telefono: 0783651223  
Fax: 0783651573  
Email: ragioneria@comuneardauli.it
Email certificata:
Scheda ufficio: Vai all'ufficio
torna all'inizio del contenuto
torna all'inizio del contenuto