Vai a sottomenu e altri contenuti

Avisu REIS 2018

UNIONE DE SOS COMUNES DE SU BARIGADU

Ardaule- Bidoniu - Busache - Fordongianus - Neoneli - Nughedu Santa Itòria - Samugheo - Sorradile - Ula

Localidade Giolantine - (09082) Busache (Aristanis) -

Còdighe Fiscale e Partida I.V.A. 01116420959

situ web: www.unionecomunibarigadu.it - posta eletrònica: info@unionecomunibarigadu.it


Rèdditu de Inclusione sotziale in favore de famìlias

in cunditzione de dificultade econòmica

AVISU PÙBLICU

SI INFORMANT SOS INTERESSADOS CA IN CUNFORMA A SA L.R. N. 18 DE SU 02.08.2016 ''RÈDDITU DE INCLUSIONE SOTZIALE'' E IN UBBIDIÈNTZIA A SA DELIBERATZIONE DE SA GIUNTA REGIONALE N. 31/16 DE SU 19.06.2018 EST ABERTA S'ISCADÈNTZIA PRO SA PRESENTATZIONE DE SAS RECHESTAS DAE PARTE DE SOS TZITADINOS A SA MESURA PRO PROPASSARE SA CUNDITZIONE DE POVERTADE - REIS 2018.

RECHISIDOS PRO OTÈNNERE SU REIS 2018

Podent otènnere su REIS sos nùcleos familiares, fintzas de una persones e sas famìlias de fatu chi bivent paris dae ses meses, cun a su nessi una persone de sa famìlia chi siat residente dae non prus pagu de bintibator meses in su territòriu de sa regione. Non si leat in cunsideru su rechisidu de sa residèntzia de a su nessi bintibator meses pro sos emigrados chi sunt torrados e pro sas famìlias issoro (L.R. N° 18/2016 art. 3 comma 3 ''Rechisidos e cunditziones de atzessu'' e àteras mudaduras e integratziones fatas a pustis).

Pro tènnere su REIS, in prus, tocat chi ogni cumponente de sa famìlia:

 non tiret sa NASpI o àteros amortizadores sotziales de sustegnu a su rèdditu in casu de disocupatzione involontària;

 non tèngiat autoveìculos e/o motoveìculos immatriculados pro sa prima borta in sos 24 meses prima de sa domanda (sunt esclùdidos sos autoveìculos e motoveìculos chi tenent un'agiudu fiscale in favore de persones cun disabilidade);

 non tèngiant imbarcatziones de diportu.

Non podent tènnere su REIS sas famìlias cun Atestatzione ISEE, vigente a sa data de s'iscadèntzia de custu Aviso, cun valore prus artu de 9 mìgia èuros.

In casu de famìlias cun minores tocat a dispònnere s'Atestatzione ISEE ''minores''.

A intro de su chi previdit sa Lege, si podet dispònnere s'Atestatzione ISEE ''currente'' chi siat etotu vigente a sa data de s'iscadèntzia de custu Avisu.

In fines, pro otènnere su REIS sa famìlia non depet benefitziare de tratamentos econòmicos de natura previdentziale, indennitària e assistentziale prus arta de 800 èuros a su mese (postos in contu fintzas sos assegnos mensiles de lege de setore e sussìdios), artziadu a èuros 900 a su mese cando in sa famìlia bi siat una persone non bastante a se (autosufitziente), comente definida pro s'ISEE e chi resurtat in sa DSU.

Su REIS 2018 PREVIDIT:

A) s'erogatzione mensile de unu contributu econòmicu ''FORFETÀRIU'' in favore de sas famìlias atzetadas pro su benefìtziu REI (Carta REI).

Podent presentare domanda PRO SU CONTRIBUTU ''FORFETÀRIU'' sos tzitadinos chi, a sa data de s'iscadèntzia de custu Avisu, sunt in sa cunditzione Prioridade 1 o famìlias chi benefìtziant de Carta REI (lìnias ghia regionales 2018-2020).

Custu contributu agiuntivu forfetàriu, dadu cun risursas regionales, chi non riduit su valore de su REI e non dipendet dae su valore efetivu de sa Carta REI e dipendet dae su nùmeru de sos cumponentes de sa famìlia, est gasi definidu:

Nùmeru Cumponentes REIS - Contributu econòmicu a su mese

A SU PRUS PRO 18 MESES
1 60 èuros
2 90 èuros
3 120 èuros
4 e prus 150 èuros

Si in su perìodu de erogatzione de su contributu ''forfetàriu'', comente definidu subra, acabba s'erogatzione de su REI, sa famìllia at a retzire - pro su perìodu chi abarrat - su contributu ordinàriu comente definidu in su puntu B) chi sighit.

B) S'erogatzione a su mese de unu contributu ''ORDINÀRIU'' in favore de sas famìlias chi NON siant ammìtidas a su benefìtziu REI (Carta REI).

Podent presentare domanda pro otènnere su contributu ''ORDINÀRIU'' sos tzitadinos chi, a sa data de s'iscadèntzia de custu Avisu, apartenent a custas situatziones de Prioridade:

Prioridade 2 Famìlias, chi NON resurtant ammìtidas a su benefìtziu REI, cun ISEE prus bassu o uguale a 3.000,00 èuros, respetende fintzas custu òrdine de Prioridade:

2.1 famìlias, fintzas de una persones ebbia, sentza dimora;

2.2 famìlias de 6 persones e prus (chi resurtet dae s'istadu de famìlia);

2.3 famìlias de una o prus persones chi tenent prus de 50 annos cun fìgios a càrrigu disocupados;

2.4 còpias cojuadas o còpias de fatu registradas, de giòvanos chi non tèngiant prus de 40 annos de edade, chi bivent paris a su nessi dae 6 meses;

2.5 famìlias semper e cando cumpostas fintzas cussas unipersonales.

Prioridade 3 Famìlias chi, a sa data de s'iscadèntzia de custu Avisu, NON resurtant atzetadas a su benefìtziu REI, cun ISEE prus bassu o uguale a 6.000,00 èuros, respetende fintzas custu òrdine de Prioridade:

3.1 famìlias, fintzas de una persones ebbia, sentza dimora;

3.2 famìlias de 6 persones e prus (chi resurtet dae s'istadu de famìlia);

3.3 famìlias de una o prus persones chi tenent prus de 50 annos cun fìgios a càrrigu disocupados;

3.4 còpias cojuadas o còpias de fatu registradas, de giòvanos chi non tèngiant prus de 40 annos de edade, chi bivent paris a su nessi dae 6 meses;

3.5 famìlias semper e cando cumpostas fintzas cussas unipersonales.

Prioridade 4

4.1 Famìlias chi, a sa data de s'iscadèntzia de custu Avisu, NON resurtant atzetadas a su benefìtziu REI, cun 4 o prus fìgios a càrrigu, cun ISEE prus artu de 6.000,00 e prus bassu o uguale a 9.000,00 èuros.

Prioridade 5

5.1 Totu sas àteras famìlias chi, a sa data de s'iscadèntzia de custu Avisu, NON resurtant atzetadas a su benefìtziu REI, cun ISEE fintzas a 9.000,00 èuros chi apant fintzas ISRE non prus artu de 3.000,00 èuros e unu valore de su patrimòniu mobiliare, comente definidu pro s'ISEE, uguale a zero.

A intro de ogni livellu de Prioridade e de ''suta Prioridade'', sas famìlias in antis numenadas ant a èssere ammìtidas a su benefìtziu in òrdine dae su prus bassu a su prus artu de valore ISEE; a paridade de valore ISEE, sas famìlias ant a èssere postas in graduatòria cunsiderende dae su prus bassu a su prus artu de valore ISRE.

Sa summa cumplessiva de su benefìtziu econòmicu est in raportu a su nùmeru de sas persones de sa famìlia e a su valore ISEE de sa famìlia chi est presentende sa domanda.

Valore Atestatzione ISEE
Fintzas a 3.000,00 Dae 3.000,01 fintzas a 6.000,00 Dae 6.000,01 a 9.000,00
Nùmeru persones de sa famìlia Contributu Econòmicu (in Èuros) PRO 9 MESES
1 299 275 250
2 399 375 350
3 399 475 450
4 e prus 540 540 500

Su tzitadinu chi non tenent sos rechisidos REI (Carta Rei), pro pòdere atzèdere a su Reis 2018 - contributu ordinàriu - depet cumproare de àere presentadu rechesta idònea de REI e de àere tentu èsitu negativu dae s'Inps.

A sos tzitadinos benefitziàrios de su Reis 2018 - contributu ordinàriu su benefìtziu econòmicu si podet rennoare a sa matessi famìlia pro 2 bortas e semper e cando a intro de su tempus de su progetu personalizadu de inclusione ativa. Ebbia a pustis chi su progetu personalizadu est acabbadu e in su casu chi s'impignu leadu dae sa famìlia siat istadu rispetadu, est cunsentidu de acollire una domanda REIS noa pro non prus de duas bortas de sighidu, dae parte de sa famìlia chi apat giai tentu atzessu a sa mesura.

DOMANDA DE AMMISSIONE A SU REIS 2018

Sos tzitadinos interessados podent presentare domanda pro su REIS 2018 impreende su mòdulu apòsitu a disponimentu in s'Ufìtziu de Servìtziu Sotziale de su Comune pròpiu de residèntzia a intro de su 03.10.2018.

Sas persones de sa matessi famìlia podent atzèdere a s'una o a s'àtera de sas duas mesuras, su benefìtziu est riferidu a sa famìlia intrea.

GRADUATÒRIA DE AMMISSIONE A SU REIS 2018

S'UNIONE DE SOS COMUNES ELÀBORAT, PRO OGNI COMUNE, UNA GRADUATÒRIA DE SOS TZITADINOS AMMÌTIDOS, SIGHENDE S'ÒRDINE DE PRIORIDADE E SOS CRITÈRIOS SUBRA DESCRITOS.

Sa graduatòria at a èssere fata pùblica, cun s'indicatzione ebbia de su nùmeru de protocollu, de su livellu de Prioridade (dae 1 a 5), de sas suta Prioridades, de su paràmetru de graduatzione (ISEE, e eventuales ISRE), de sa summa mensile REIS ''chi si podet assignare'', tenende in contu ca:

- PRO SU REIS 2018 - CONTRIBUTU FORFETÀRIU: su prus de sa durada est de 18 meses; su contributu at a èssere dadu pro sos meses de diritu REI ancora de tirare cando si presentat sa domanda REIS 2018. (pro nàrrere carta REI ativada in Ghennàrgiu 2018 - Decurrèntzia REIS 2018 dae Santugaine 2018 = integratzione REIS 2018 - Contributu forfetàriu pro sos meses dae Santugaine 2018 a su mese de Maju 2019).

- PRO SU REIS 2018 - CONTRIBUTU ORDINÀRIU: s'erogatzione de su contributu INCOMINTZAT DAE SU MESE DE AMMISSIONE e ACABBAT A PUSTIS DE 9 MESES; Si, in su perìodu de erogatzione de su contributu REIS ordinàriu, sa famìlia tirat su REI, su tzitadinu at a passare in su REIS 2018 - contributu forfetàriu, pro su perìodu chi abarrat.

AMMISSIONE A SU BENEFÌTZIU E A SU PROGETU DE INCLUSIONE SOTZIALE

S'erogatzione efetiva de su benefìtziu REIS 2018 - contributu ''FORFETÀRIU'' est conditzionadu dae s'adesione a su ''Progetu de Inclusione ativa'' comente istabilidu in su percursu personalizadu pro propassare sa cunditzione de poberesa, cuncordadu cando est istadu leadu in càrrigu dae parte de sos ufìtzios de pianu in s'àmbitu de su PLUS de riferimentu, in collaboratzione cun sas istruturas cumpetentes in matèria de servìtzios pro su traballu, formatzione e istrutzione.

Su progetu de inclusione sotziale interessat a totu sas persones de sa famìlia, tenet su fine de emantzipare sa persone chi si podet impignare pro garantire a isse etotu e a sa famìlia sua una vida dignitosa e un'autonomia econòmica.

Su progetu de inclusione ativa previdit s'adesione a su Patu de servìtziu o Programma de chirca intensiva de ocupatzione, chi previdit s'aplicatzione de mesuras diferentes de polìtica ativa de su traballu, prima de totu a sos Tzentros pro s'impiegu, prevididas dae sos decretos atuativos de su Jobs Act - D.lgs. 150/2015, artt. 20 e 23.

Su benefìtziu REIS 2018 - Contributu ''ORDINÀRIU'' est conditzionadu a s'acumprimentu de unu progetu personalizadu, duncas sos Comunes de s'Unione de sos Comunes de su Barigadu, paris cun sas iscuadras multidisciplinares costituidas a intro de su PLUS de apartenèntzia, ant a cuncordare pro ogni utente/famìlia unu progetu personalizadu, cun sas prescritziones profetosas pro essire dae sa cunditzione de bisòngiu e dificultade, cun s'autodeterminatzione de sos benefitziàrios. Custos progetos ant a pertocare atziones comente s'atividade de pùblica utilidade, sa permanèntzia o su torrare in su sistema iscolàsticu e formativu de persones de sa famìlia; s'indiritzu e sa chirca de unu traballu; s'educatzione a sa cura de sa persone, a s'assistèntzia sanitària, a su sustegnu de sas responsabilidades familiares e a su recùperu de sas morosidades; sa sotzializatzione e s'intrada in su voluntariadu; programmas de recùperu dae s'abusu de s'alcol e drogas diferentes; agiudu psicològicu; interventos chi pertocant sa famìlia.

Duncas TOTU SOS TZITADINOS AMMÌTIDOS, in òrdine de graduatòria, comente subra definida, ant a èssere cunvocados dae su Servìtziu Sotziale Professionale pro sa definitzione de su Progetu de inclusione ativa (pro sos REIS 2018 - Contributu forfetàriu) e de su Progetu personalizadu (pro su REIS 2018 - Contributu ordinàriu), francu eventuales progetos giai cuncordados a favore de sos benefitziàrios de REI e francu sas dèrogas suta definidas.

Sa durada de sos Progetos de inclusione non est acapiada a cussa de s'erogatzione de su sussìdiu monetàriu.

Si su Progetu de Inclusione ativa e/o su progetu personalizadu no est atzetadu, s'at a protzèdere cun sa rèvoca de ammissione a su benefìtziu.

Si si rinùntziat a su REI, s'at a protzèdere cun s'esclusione automàtica dae su REIS 2018 - contributu forfetàriu e su tzitadinu no at a pòdere pedire su REIS 2018 - Contributu ordinàriu.

Sunt ''esonerados'' a s'adesione a unu percursu de inclusione ativa:

▪ sas famìlias de antzianos ebbia de prus de 80 annos, cun a su nessi unu cun tzertificatzione de invalididade grave prus arta de su 90%;

▪ famìlias chi tenent persones destinatàrias de sos sussìdios prevididos dae sa L.R. 15/1992 e dae sa L.R. n. 20/1997

ASSIGNATZIONE DE SU BENEFÌTZIU REIS 2018

A pustis de sa definitzione de sos Progetos de Inclusione ativa, in òrdine de graduatòria comente subra definida, pro ogni famìlia at a èssere impignada una summa uguale a su valore mensile de su benefìtziu multiplicada pro su nùmeru de sos meses de erogatzione, comente definidu subra.

MODALIDADE DE EROGATZIONE REIS 2018

Su benefìtziu at a èssere dadu pro ogni mese sìngulu a pustis de sa data de aprovatzione de sa graduatòria.

Tratamentu de sos datos

Sos datos personales comunicados in sa domanda e in sa documentatzione unida a sa domanda, in su rispetu de sas dispositziones in vigore, ant a èssere tratados e impreados pro sas finalidades chi pertocant s'acumprimentu de sa protzedura in ogetu e pro sas finalidades istitutzionales dae ognuna Amministratzione comunale, segundu su Regulamentu GDPR n. 679/2016.

Su cunferimentu de sos datos est obligatòriu ca est indispensàbile pro s'acumprimentu de sas protzeduras pedidas. Su refudu de dare sos datos o si in parte nde mancant at a pòdere causare s'annullamentu de su protzedimentu ca at a èssere impossìbile acumprire s'istrutòria.

Su tratamentu de sos datos at a èssere fatu cun s'impreu de mezos informàticos e s'ant a pòdere comunicare a àteros sugetos interessados in sa gestione de su protzedimentu e a cussos incarrigados a fàghere sos controllos prevididos dae sa normativa in vigore.

Busache 22.08.2018

Su Responsàbile de su Servìtziu Sotziale Assotziadu

Dot.ssa Barbara Casula

(MM)

A chi rivolgersi

A chi rivolgersi - Referente
Ufficio/Organo: Area Affari Generali
Referente: marinella marras
Indirizzo: Piazza Matteotti
Telefono: 0783651223  
Fax: 0783651573  
Email: ragioneria@comuneardauli.it
Email certificata:
Scheda ufficio: Vai all'ufficio
torna all'inizio del contenuto
torna all'inizio del contenuto