LIMBA SARDA PRO SOS PIPIOS

In sa Biblioteca Comunale sunt a disponimentu ischedas de colorare pensadas pro sos pipios chi cherent imparare su sardu gioghende.

Cun disegnos, colores, faeddos e nùmeros, s'Isportellu de sa limba sarda - de acordu cun su Coordinamentu de sas Bibliotecas de su Barigadu - at cuncordadu e at a sighire a cuncordare materiales chi sos pipios podent leare (gratis) in Biblioteca e, si tenent carchi dificultade, bi podent traballare cun s'agiudu de sos babbos e de sas mamas e/o de sos giajos.

Est un'ocasione bella e bona pro chi piticos e mannos passent paris su tempus in favore de sa limba nostra.