Vai a sottomenu e altri contenuti

S'isportellu de sa limba sarda est torra abertu

Gràtzias a unu finantziamentu arribadu cun sa Lege 482/1999 a s'Unione de sos Comunes de su Barigadu - nde faghent parte sos Comunes de Ardaule, Bidoniu, Busache, Fordongianus, Neoneli, Nughedu Santa Itòria, Samugheo, Sorradile, Ula - at torradu a abèrrere s'isportellu linguìsticu subra-comunale, cun ufìtzios abertos in ogni Comune. Su servìtziu naschet pro rispòndere a sos bisòngios de sos amministradores, de sos dipendentes comunales e de sos tzitadinos chi chèrgiant impreare sa limba sarda fintzas in sas fainas de su Comune o in sos raportos cun su Comune.

S'operadore de isportellu est a disponimentu fintzas de tzitadinos, maistros de iscola, professores, istudiantes e assòtzios pro cale si siat informatzione, aprofundimentu, duda, curiosidade, bibliografia, sitografia in contu de limba sarda, pro consulèntzias in sa carrera didàtica, in cussa giurìdicu-normativa e pro cussìgios chi pertocant sas règulas de iscritura de su sardu.

S'ufìtziu, contivigiadu dae sa Sotziedade Cooperativa L'ALTRA CULTURA de Aristanis, est acasagiadu in sos locales de Munitzìpiu, in pratza Matteotti nu 2. Aberit su mèrcuris dae sas 09.00 a sas 13.00.

A chi rivolgersi

A chi rivolgersi - Referente
Ufficio/Organo: Area Affari Generali
Referente: marinella marras
Indirizzo: Piazza Matteotti
Telefono: 0783651223  
Fax: 0783651573  
Email: ragioneria@comuneardauli.it
Email certificata:
Scheda ufficio: Vai all'ufficio
torna all'inizio del contenuto
torna all'inizio del contenuto