Pro totu su tempus de s'emergèntzia Covid-19, in ue possìbile, su regime ordinàriu de s'atividade de traballu de sos dipendentes de su Comune de Ardaule at a èssere su smart working (o traballu lèpidu), chi est a traballare dae domo impreende sas ainas informàticas, pro amparare sa salude de sos tzitadinos e de sos dipendentes e abarrare su prus pagu chi si podet sos unos e sos àteros a intro de sos locales comunales.

Duncas, francu sas atividades chi non si podent fàghere sentza sa presèntzia de sos impiegados, totu sas àteras, comente pretzisadu in su decretu de su Sìndigu, chi si podet consultare in s'Albo pretòriu, ant a èssere fatas a distàntzia.

In Munitzìpiu, ogni dies, at a èssere garantida sa presèntzia de a su nessi unu dipendente chi at a tènnere sa collaboratzione de sos amministradores.

COVID-19 ORGANIZATZIONE DE SOS UFÌTZIOS de su Comune de Ardaule

Si comùnicat ca, cunsideradu ca semus in una situatzione desemplada e chi est netzessàriu organizare a manera diferente sos Ufìtzios comunales cun su traballu fatu foras dae sos ufìtzios (a distàntzia), fintzas a chi no at a passare s'emergèntzia s'ant a pòdere cuntatare sos Ufìtzios a sos recàpitos indicados in custu avisu.

At a pòdere intrare a sos Ufìtzios comunale, a pustis de àere leadu apuntamentu, ebbia chie non nde podet fàghere a de mancu, at a intrare solu e at a respetare sa distàntzia de unu metru dae chie at a èssere a intro de su Munitzìpiu.

In s'oràriu de sos ufìtzios si podet telefonare a su nùmeru 0783-651223

COMUNE DE ARDAULE pratza Matteotti 2 C.A.P. 09081 ARDAULE (Aristanis)