BONUS ÌDRICU

EMERGÈNTZIA COVID-19

S'Ente de Guvernu de s'àmbitu de sa Sardigna dat unu rimborsu tarifàriu istraordinàriu pro sos utentes de su Servìtziu Ìdricu Integradu gestidu dae ABBANOA chi sunt in dificultade sòtziu-econòmica pro more de s'aplicatzione de sas mesuras acapiadas a s'emergèntzia sanitària de Covid-19.

S'EGAS faghet pùblicu ca cun Deliberatzione n° 23 de s'8 de trìulas 2020 su Comitadu Istitutzionale at aprovadu su 'Regulamentu pro s'atuatzione de su Bonus Ìdricu Emergentziale pro sos utentes de su Servìtziu Ìdricu Integradu'.

A s'agiudu sunt ammìtidos:

Ø sas famìllias residentes in su Comune de Ardaule;

Ø chi tèngiant unu cuntratu de fornidura de su Servìtziu Ìdricu integradu;

Ø apant un'indicadore ISEE CURRENTE non superiore a su lìmite de €. 15.000,00;

Ø apant un'indicadore ISEE CURRENTE non superiore a su lìmite de €. 20.000,00 in casu de nùcleos cun a su nessi 3 fìgios a càrrigu (famìllia numerosa);

Ø siant in cunditziones particulares de debilesa econòmica pro more de sa firmada/ridutzione de s'atividade de su traballu in su respetu de sas mesuras adotadas pro limitare su contàgiu Covid-19, comente decraradu.

De pretzisu, s'importu de su bonus emergentziale chi ispetat a ogni benefitziàriu est de € 50,00 pro ogni persone de su nùcleu familiare.

Sos interessados podent lèghere su Bandu publicadu in su situ internet de su Comune de Ardaule e in s'App MyCity e mandare sa domanda apòsita, paris cun sa documentatzione pedida, a intro e non a pustis de su 30/09/2020 impreende sos mòdulos a disponimentu in su situ istitutzionale e in su Munitzìpiu.

Sas domandas podent èssere mandadas fintzas online, in su situ: www.bonusacqua.it.

(MM)